Araba Garapen Agentzia

Arabak paisaia naturalen dibertsitate aberatsa du.

Mendebaldean, Gaubean, paisaia mendiz eta haran irekiz osatuta dago. Ebroren ertzean, hegoaldean, Arabako Errioxa dago, bertako ardo bikainengatik Europa osoan ospetsua dena.

Faunari dagokionez, Gobiarango, Gorbeiako, Urkiolako eta Izkiko natur parkeak dira lurralde honetako eredurik onena: sai arreak, orkatzak, oreinak, basurdeak eta ugaztun txikiak aurki ditzakegu bertan. Uretako hegazti migratzaileek Santa Engrazia eta Uribarri Ganboako urmael ederretan egiten dituzte beren habiak.

Araba ingurumena zaintzeaz eta hobetzeaz arduratzen da eta "garapen jasangarriaren" ideala bere egiten du, ingurune naturalarekin bat egiten duen garapena hain zuzen. Bestalde, ingurunea babesteko eta berreskuratzeko ingurumen-inpaktuaren azterketak ere egiten dira.

Azken urteetan eta ondo antolatutako legediari esker, errepideen azpiegituren lan nagusietako aurrekontuaren zati handi bat natur ondarea zaintzeko eta ingurumena berreskuratzeko zuzendu da.

Hirigintzaren ikuspegitik, hainbat programa lurraldeko alde zahar historikoak arkitektonikoki berreskuratzen ari dira, etxebizitzen baldintzak gaur egungo beharretara egokituz.

Ildo horretatik, Europa mailan, Gasteiz biztanleko parke eta berdeguneen metro karratu gehien dituen hirietako bat da. Hirigintzaren antolamendu zainduaren emaitza da hori eta bizitzeko eremu atsegin eta erosoa da.

Hiriburuan nahiz herrigune txikiekin eta inguruetako parkeekin dituen loturetan, biztanleek bizikletaz ibiltzeko bide gorria dute; horietako bat garai bateko trenbidea aprobetxatuz prestatu da.


	Korporazioari buruzko informazioa



	Industrialdeak

	Enpresak

	Lur erabilgarria



	Arabako balioak



	Albisteak



	Enpresen web guneak

Kontratatzailearen Profila
Alavamap