Araba Garapen Agetzia

Xede nagusia lur eta pabiloi industrial nahikoa eta kalitatekoak izango direla eta prezio lehiakorrak izango dituztela ziurtatzea eta bermatzea da; horrela, jarduera ekonomiko berriak nahiz lehengoak garatzeko aukera emango da eta, bide batez, beren lehiakortasuna hobetzen lagunduko da.

Enpresen instalazioa errazteko, pertsonalki enpresa leku berrian kokatzeak eta berau martxan jartzeak ekarriko lituzkeen eginbideak arinago egin ahal izateko ahalegin berezia egiten du AADk. Horretarako, kokapen desberdinen bideragarritasunari buruzko azterketak eta analisiak egiten ditu eta lur-eremu industriala urbanizatzeko eta berau garatzeko egin beharrekoaz arduratzen da.


	Estrategikoki kokatutako lekuetan lur-erreserba nahikoa izatea.

	Erreserba osatuko duten lurrak prezio onean eta aurretiaz erostea, horrela erabilera hori ez okertzeko.

	Hirigintza-plangintzako proiektuak zehatz-mehatz garatzea, kontraten esku ez egoteko.

	Eskaintza kudeatzeko eta eskaintza hori bezeroen beharren arabera egokitzeko informazio-sistema egokia izatea.


	Sortzen diren eskaerei erantzuna eman ahal izateko lur-eremu industrialen eskaintza egokia prestatzea.

	Denborak aurrera egin ahala nahiko egonkorra izango den lurren prezio-mailari eutsi ahal izatea, sektoreko espekulazioa saihestuz.

	Arabako lur-eremuen eskaintza publikoa bateratzea eta sektorean esku hartzen duten agente publikoen koordinazioa lortzea.

	Promozio industrialera zuzentzen diren baliabide publikoak optimizatzea.


	Sozietate publikoa denez, egungo antolamendu juridikoan ezartzen diren kontrol-sistemak errespetatu behar dituzte.

	Ogasun Saila, Finantzen Zuzendaritza: kontu korronteen eta kredituen egoerari, eskuragarritasun-mailari eta saldoari buruzko hileroko informazioa.

	Herri Kontuen Euskal Epaitegia: sozietate publikoek bete beharreko aginduak betetzen dituen aztertzeko urteko auditoria, besteak beste langileak kontratatzerakoan, obra eta zerbitzuak kontratatzerakoan, salerosketetan...

	Gainera, Araba Garapen Agentzia korporazioari urtero egiten diote auditoria Arabako Foru Aldundiak xede horretarako kontratatutako zerbitzuek, agindu administratibo horien barnean.


	Korporazioari buruzko informazioa



	Industrialdeak

	Enpresak

	Lur erabilgarria



	Arabako balioak



	Albisteak



	Enpresen web guneak

	KONTRATATZAILEAREN PROFILA